 |
| Nining Meida mulangkeun panineungan ngaliwatan kawih |
 |
| Para penari ti sanggar Fitria Cimahi |
 |
| Penonton leuwih ti 3.000 urang |
 |
| Bapa Gubernur sareng Ibu ngiring ngawih dina lagu "Sorban Palid" |
Konser
tunggal Nining Meida di Gedong Sasana Budaya Ganesha ( SABUGA )
Minggu (21/10/12) geus sababaraha poe rengse dilumangsungkeun.
Konser anu dikomentaran ku sawatara masyarakat sunda minangka konser
anu kaasup sukses jeung nyugemakeun sakumna “penikmat ” lagu-lagu
pop sunda. Salian ti masyarakat disabudeureun dayeuh Bandung, oge
daratang masyarakat penggemar Nining Meida tisaluareun wewengkon nu
lianna saperti ti Sukabumi, Garut, Sumedang, Majalengka, Jakarta
malah kuring oge ngawawancara salah saurang pengunjung anu asalna ti
Padang nu ngahajakeun datang ka gedong Sabuga pikeun ngahadiran
konser tunggal Nining Meida tea, “saya sebenarnya lahir di
Bandung, tapi dari kecil saya pindah sama orang tua saya ke Padang.
Tapi saya suka lagu-lagu sunda apalagi yang dari Nining Meida“
pokna bari ngahaleuangkeun lagu “Kalangkang”minangka lagu anu
dipikameumeut ku manehna.
Salian
ti masyarakat persaurangan, oge daratang oge ti komunitas-komunitas
nu mikacinta kana kawih-kawih ti Nining Meida diantarana Bobotoh
Persib ( Viking ) anu ngabringkeun wadia baladna kalayan mawa spanduk
anu kawilang gede kalayan tulisanana “Nining Meida kabogoh Persib“. Terus oge aya komunitas “Penari jadul taun 80an” anu kawengku kana
komunitas "Laskar Jawara" nu diluluguan ku kang Adang Aju jeung Ayi Dapa oge datang kana eta acara kalayan milu ngarengklak
ti awal Nining Meida ngagalindengkeun lagu anu munggaran nepi ka lagu
anu wekasan.
Salian
ti Nining Meida, oge milu ngadeudeul artis-artis sunda anu sejenna
diantarana Rita Tila anu ngagalindengkeun lagu “Bagja Jeung Cinta”
oge “Hanjakal“ anu ngahipnotis nu nongton terus aya oge Rya
Fitrya KDI oge Neneng Fitri. Mun diitung-itung acara Konser teh di
euyeuban ku sakitar 80 urang paminton, di antaranya Orkes Simfoni
UPI, Kampiun B’Band, Galengan Sora Awi, Sundanis, jeung 30
penari ti Sanggar Fitria kota Cimahi pimpinan Apih Ajat.
Nining
Meida oge ngagalindengkeun sakitar 15 lagu, di antarana Kalangkang,
Sesah Hilapna, Tibelat, Kulu-kulu Sadunya, Hariring Kuring, Talaga
Reumis, Asih Urang, Sorban Palid, Rangrang Kamelang, Karembong Kayas,
Kawah Putih
oge dipungkas ku lagu Rayak-rayak
anu langsung diibingan ku sakumna masyarakat anu daratang.
Konser
kasabit oge disarumpingan ku seniman-seniman Jawa Barat saperti kang
Doel Sumbang, Acil “Bimbo’, Rika Rafika, Inonk malahan Gubernur
Jawa Barat Ahmad Heryawan sareng istrina Netty Heryawan, terus
Kadisbudpar Jabar Nunung Sobari, oge Sekda Kota Bandung Edi Siswadi.
Sabenerna produser Dose Hudaya oge saacan acara dimimitian oge
datang, ngan balik deui kusabab aya kasalahpahaman jeung panitia.
